२० असोज, काठमाडौं । काठमाडौंमा युवाहरुले भारतीय दूतावासलाई तेल दिने ट्वीटर अभियान चलाइरहँदा भारतले भने नेपाली ट्यांकरमा तेल भर्न झनै आनाकानी गरेको छ ।
भारतीय आयल कर्पोरेशनले बुधबार दिउँसोसम्म १०/१२ ट्यांकरमा तेल भरेको नेपाल आयल निगमले जनाएको छ । बेलुकीसम्म धेरैमा थप ३/४ ट्यकरमा तेल भरिने निगम प्रवक्ता दीपक बरालले बताए ।
‘हिजो आईओसीको सिलगुढी डिपोले अली धेरै तेल भरिदिएको थियो । तर, आज फेरि तेल दिन आनाकानी गरिएको छ’ बरालले भने-‘हामीले पहल गरिरहेका छौं । तर, नतिजा अझै हात लागेको छैन ।’ आईओसीले भरेका ट्यांकरहरु नाकामै आइपुग्दा पनि सुरक्षाका नाममा रोकेर राख्दा थप समस्या भएको छ ।
आईओसीको सिलगुढी, बरौनी, रक्सौल, बैतालपुर र गोन्डा डिपोमा १ सय भन्दा बढी खाली ट्यांकर तेल लोड हुने प्रतिक्षामा छन् । तर, आईओसीले तेल प्रत्येक डिपोमा दैकिन २/३ वटा ट्यांकरमा मात्रै लोड दिएको छ ।
आइओसीले ६३ वटा खाली ट्यांकर रहेको रक्सौल डिपोमा एउटा पनि ट्यांकरमा लोड दिएको छैन । आईओसीले तेल लिन बोलाएरपनि लोड नगर्दा ती सबै ट्यांकर उतै अलपत्र पारेका छन् ।