२६ असोज, काठमाडौं । ब्राजिलियन लेजेन्ड पेलेले आफू फिफाको अध्यक्ष बन्ने सम्भावना अस्वीकार गरेका छन् । साथै उनले नेयमार र रोनाल्डोभन्दा अर्जेन्टिनी स्टार लिओनल मेस्सी उत्कृष्ट रहेको समेत बताएका छन् ।
भारत भ्रमणका क्रममा आयोजित पत्रकार सम्मेलानमा पछिल्लो दशकमा मेस्सी उत्कृष्ट फुटबलर भएको बताए ।
फरक जेनेरेशनका खेलाडीहरुको तुलना गर्नु गाह्रो काम भएको भन्दै पेलेलले भने, तर, पछिल्लो १० वर्षमा मेस्सी उत्कृष्ट छन् । रोनाल्डो फवार्डमा खेल्छन् र गोल गर्न प्रयास गर्छन् । तर, मेस्सीले फरक स्टाइलमा खेल्छन् ।’
साथै उनले ब्राजिलियन कप्तान नेयमारको पनि भविश्य राम्रो भएको बताएका छन् ।
सेप ब्लाटरलाई विस्थापित गर्दै फिफा अध्यक्ष बन्ने सम्भावनाबारे सोधिएको प्रश्नमा ब्राजिलियन जेलेन्ड पेलेेले त्यो पदमा पुग्ने कुनै इच्छा नभएको बताए ।
