गजल : राम चाहियो
यहाँ नेपालको आफ्नै नाम चाहिएको छ
हरेक नागरिकलाई काम चाहिएको छ ।।
खै के बार्ता हुन्छ दिनहुँ बन्द कोठा भित्र
कोहीलाई राज्य कोहीलाई गाम चाहिएको छ ।।
यति धेरै भ्रस्टाचार बढ्दै गयो कि यहाँ
जन्मदर्ता गर्दासमेत खाम चाहिएको छ ।।
छोड यार सिंगापुर र स्विस बनाउने कुराहरु
साँझ बिहान खान पुग्ने माम चाहिएको छ ।।
गाली गर्नु पहिले देशलाई माया गर्न सिकौ
हजार नेता हैन एउटा राम चाहिएको छ ||
-सुर्यप्रकास भुसाल
गैडाकोट नगरपालिका-६, नवलपरासी