९ मंसिर, काठमाडौं । विद्यार्थीहरुले काठमाडौंको प्रदर्शनीमार्गमा भारतीय प्रधानमन्त्री नरेन्द्र मोदीको पुत्ला जलाएका छन् । पुत्ला जलाउने कार्यक्रममा नेपाल प्रहरीले अन्धाधुन्द लाठीचार्ज गरेको छ ।
प्रहरीको लाठी प्रहारबाट बाटोमा हिँडिरहेका सर्बसाधारण पनि घाइते भएका छन् ।
भारतले नेपालमा गरेको नाकाबन्दीको विरोध गर्दै प्रमुख सत्तारुढ नेकपा एमालेको विद्यार्थी संगठन अनेरास्ववियूको नेतृत्वमा आरआर क्याम्पस अगाडि मोदीको पुत्ला जलाइएको थियो ।
पुत्ला जलाउँदा विद्यार्थीहरुले भारतविरुद्ध नाराबाजीसमेत गरेका थिए । प्रहरी हस्तक्षेपपछि विद्यार्थीहरु तितरवितर भएका थिए । त्यसलगत्तै पानी हालेर प्रहरीले पुत्ला निभाएको थियो ।