१४ मंसिर, काठमाडौं । भारतको लोकसभामा नेपालमा बढ्दो भारतविरोधी भावना बढेको विषयले प्रवेश पाएको छ । तर, सभामुख मुमित्रा महाजनले छलफल गर्न रोक लगाएकी छन् ।
भारत लोकसभाको हिउँदे सत्रको बैठक सोमबारबाट सुरु भएको थियो । बैठकमा आरजेडी सांसद राजेश राजनले मुल्यवृद्धिसँगै नेपालमा बढ्दो भारतविरोधी भावनाबारे सरकारको जवाफ मागेका थिए ।
तर, सभामुख महाजनले यो विषय कार्यसूचीमा रहिसकेको भन्दै छलफल अघि नबढाएको भारतीय अनलाइन फस्टपोष्टले जनाएको छ ।
नेपालको अन्तरिक मामिलामा हस्तक्षेप गरेको र नाकाबन्दी लगाएको भन्दै भारतको नेपालमा चर्को विरोध हुँदै आएको छ ।
