१५ मंसिर, काठमाडौं । भारतले नेपालमाथि गरेको नाकाबन्दीको विरोधमा नेपाली मात्रै होइन, विदेशीहरु पनि खुलेर बोल्न थालेका छन् ।
जर्मनीका एक सांसदले ट्वीटरमा भारतीय प्रधानमन्त्री नरेन्द्र मोदीलाई सम्वोधन गर्दै छोटो तर, भावुक ट्वीट गरेका छन् ।
कुन्दा दिक्षितले ट्वीटरमा राखेको वीर अस्पतालमा दाउराबाट खाना पकाइरहेको फोटोलाई उद्वृत गर्दै जर्मन सांसद ओमिद नौरिपुअरले ट्वीट गरेका हुन् ।
‘यो दर्दनाक छ । म तपाईंसित हात फैलाएर माग्दैछु मिस्टर मोदी, नेपालमाथिको नाकाबन्दी रोक्नुस्’ मोदीलाई मेन्सन गरेर उनले ट्वीट गरेका छन् ।
This is terrible. I’m begging you, Mr. @narendramodi, please make #IndiaBlockadesNepal being stopped: https://t.co/w7JSxM2KOE #India #Nepal
— Omid Nouripour (@nouripour) November 27, 2015
उनको ट्वीटलाई सयौं नेपालीहरुले मन पराएका छन् र रिट्वीट गरेका छन् ।
