२२ माघ, काठमाडौं । भारतको सिलोङ र गुवहाटीमा आजदेखि सुरु भएको १२ औं दक्षिण एशियाली खेलकुदमा प्रतियोगिता व्यवस्थापनमा निक्कै कमजेरी भएको पाइएको छ ।
आज दिउँसो भएको साग गेम्स उद्घाटन समारोहमा व्यवस्थापनको यही लापरबाहीका कारण नेपाली पुरुष फुटवल टोलीले सहभागिता जनाउन पाएन ।
नेपाली पुरुष फुटबल टोलीका प्रशिक्षक राजुकाजी शाक्य र व्यवस्थापक बिराटजंग शाहीको एक्रिडिएसन कार्ड नभएका कारण पुरुष फुटबल टोलीले सहभागिता जनाउन पाएन
पुरुष फुटबलतर्फ प्रतियोगिताको समुह बी मा रहेको नेपालले माघ २४ गते पहिलो खेलमा भुटानसंग प्रतिस्पर्धा गर्नेछ ।