चलचित्रः घायल वन्स अगेन
निर्देशकः सनी देओल
कलाकारः सनी देओल, सोहा अलि खान, शिवम पाटिल, अंचल मुंजाल, नेहा खान, ऋषम अरोडा
मुम्बई । सनी देओलको निर्देशनमा बनेको फिल्म ‘घायल वन्स अगेन’ रिलिज भएको छ । यो फिल्म २६ वर्ष पहिला रिलिज भएको ‘घायल’ को सिक्वेल हो । अर्को कुरा १७ वर्षपछि सनी देओल फेरि निर्देशकको रुपमा प्रस्तुत भएका छन् । यस अघि उनले सन १९९९ मा ‘दिल्लगी’ निर्देशन गरेका थिए ।
कस्तो छ कथा
फिल्मको कथा त्यहीवाट सुरु हुन्छ, जहाँ घायल सकिएको थियो । अजय मेहरा (सनी देओल) एसीपी जय डिसुजासँग सरेन्डर गर्छन् र जेल जान्छन् । १४ वर्षपछि जेलवाट छुटेपछि भ्रष्टाचारको बिरुद्ध लड्न सुरु गर्छन् उनी ।
कथामा ट्वीस्ट त्यसपछि आउँछ जब चार युवा रोहन (शिबम पाटिल), अनुश्का (अंचल मन्जाल), रेणु (नेहा खान) र बरुण (ऋषभ अरोडा) को भेट हुन्छ । भ्रष्ट ब्यबसायी राज बंसल (नरेन्द्र झा) र उसका सहयोगी सनीको समुहलाई चुनौति दिन्छन् ।
यहि दुई समुहको लफडामा फिल्मले गति लिन्छ । सनीको समुहले भ्रष्ट ब्यबसायीलाई कसरि ठेगान लाउछन् थाह पाउनका लागि फिल्म हेर्नैपर्छ ।
निर्देशन कस्तो छ ?
सनीले निर्देशकका रुपमा राम्रै मेहनत गरेका छन् । फिल्ममा केही नयाँ पन दिनका लागि उनले प्रसस्तै मेहनत गरेका छन् तर, कता कता पुरानो घायलको गन्ध आउछ । फिल्मको पहिलो हाफ बोझिलो लाग्न सक्छ । दोस्रो हाफ रोचक छ । तर, क्लाईमेक्स हलिउड फिल्म ‘टु लाइज’सँग मिल्न जान्छ ।
सनीको एक्सन राम्रो छ । उनको एक्सनले अझै दर्शकलाई प्रभाव पार्ने क्षमता राख्छ । सोहा अलि खान आफ्नो भूमिकामा ठिक छिन् । त्यसो त नयाँ कलाकार चारै जनाले राम्रो काम गरेका छन् । फिल्मी संगीतले खास प्रभाव पार्न नसके पनि ब्याक राउन्ड म्युजिक राम्रो छ ।
यदि मौलिक विषयको फिल्म हेर्ने सोच छ भने यो फिल्म नहेर्दा पनि फरक पर्दैन । तर, सनी देवलको एक्सन मन पर्छ भने केही समय मनोरञ्जन लिनका लागि हेर्न सकिन्छ घायल वन्स अगेन ।