मुम्बई । रणवीर कपुरसँग ब्रेकअपपछि कट्रिना कैफ तनाबमा छिन् । छोरी तनाबमा भएको थाह पाएपछि चिन्तित कट्रिना की आमा सुजैन टरक्योटको प्रयास पनि सार्थक हुन सकेन ।
सुजैनले रणबीरसँग कुरा गर्न प्रयास गरे पनि सफल हुन सकिनन् । सुजैनले रणबीरलाई चार पटक फोन गरिन् तर, रणबीरले फोन उठाएनन् ।
स्पटब्बाईडटकमले उल्लेख गरे अनुसार रणवीरले फोन नउठाएपछि सुजैनले रणवीरको घरमा फोन गरेर आमा नितु कपुरसँग कुरा गरेकी थिइन् । नितुले सुजैनसँग सहज रुपमा कुरा गर्दै कट्रिना र रणवीर विचको दुरी कम गराउन पहल गर्ने आश्वासन समेत दिइन् ।
साथै उनले अहिलेसम्म आफुहरु रणवीरको इच्छाविपरित नगएको भन्दै अन्तिम निर्णय रणवीरकै हुने बताइन् । यो वर्षको सुरुमै रणवीर कट्रिना को सम्बन्धमा चिसोपना आएको समाचार सार्वजनिक भएको थियो ।