२४ माघ, काठमाडौं । बिवाहको सिजन चलिहरँदा सूनको मूल्य उच्च दरमा उकालो लागेको छ । साताको पहिलो दिन आइतबार सुन तोलाको ८ सय रुपैयाँले महंगिएको छ ।
आज सुन प्रतितोला ५३ हजार ३ सय रुपैयाँमा कारोबार भइरहेको नेपाल सुनचाँदी ब्यवसायी महासंघले जनाएको छ । सुनको मूल्य बढ्दा माघ महिनामा बिवाह गर्नेहरु बढी प्रभावित भएका छन् ।
साताको अन्तिम दिन शुक्रबार सुन तोलाको ५२ हजार ५ सय रुपैयाँका कारोबार भएको थियो । तर, आइतबार भने सुन एकैपटक ८ सय रुपैयाँले बढेको हो ।
अमेरिकी डलर महँगिदै जाँदा अन्तर्राष्ट्रिय बजारमा सुनको मूल्य पनि बढेको नेपाल सुनचाँदी ब्यवसायी महासंघले जनाएको छ।
अमेरिकी केन्द्रीय बैंकले ब्याजदर बढाएपछि सुनको मूल्यमा वृद्धि हुने क्रम जारी छ । आइतबार तेजावी सुनको मूल्य तोलको ५३ हजार ५० रुपैयाँ पुगेको छ ।
आइतबार चाँदी पनि महंगिएको छ । चाँदी आज प्रतितोला १० रुपैयाँ बढेर ७ सय १५ रुपैयाँमा किनबेच भइहरहेको छ । यसअघि शुक्रबार चाँदी प्रतितोला ७ सय ५ रुपैयाँमा कारोबार भएको थियो ।
