सन्देश श्रेष्ठ
२४ माघ, सिलोङ । बाह्रौं दक्षिण एसियाली खेलकुद (साग) को तेस्रो दिन नेपालले २ रजत पदक जितेको छ । उसुको थाउलोतर्फ नेपालले २ रजत पदक जितेको हो ।
यो सागै नेपालको ३ रजत र २ काश्य सहित पदक संख्या ५ पुगेको छ । यसअघि नेपालले हिजो भारत्तोलनमा एक रजत र एक काश्य तथा कुस्तीमा एक काश्य जितेको थियो ।
सिलोङ्गमा आज भएको खेलमा नेपालकी सुस्मिता तामाङ्ग र विवेक सिञ्जालीले नेपालका लागि रजत पदक दिलाएका हुन् ।
नेपालकी सुस्मिताले ८ दशमलव ८२ अंक प्राप्त गर्दै रजत पदक दिलाएकी हुन् । यस स्पर्धामा श्रीलंकाले स्वर्ण र भारतले काश्य पदक जित्यो ।
त्यस्तै आज भएको अर्को खेलमा विवेकले ८ दशमलव ८० अंक प्राप्त गरेर रजत पदक जिते । यस स्पर्धामा भारतले स्वर्ण र पाकिस्तानले काश्य पदक जित्यो ।