२४ माघ, काठमाडौं । १२ औं दक्षिण एशियाली खेलकुदमा नेपाली भारत्तोलन खेलाडीले तेस्रो पदक जितेकी छन् ।
महिलाको ६३ केजी तौल समुहमा स्न्याचतर्फ ५५ केजी र क्लिन एण्ड जर्कतर्फ ७५ केजी गरेर कुल १३० केजी उठाउँदै नेपालकी जुन माया छन्त्यालले काश्य पदक जितेकी हुन् ।
यस स्पर्धामा श्रीलंकाकी खेलाडीले रजत र बंगलादेशकी खेलाडीले स्वर्ण पदक जित्न सफल भईन ।
यसअघि हिजो भएको स्पर्धामा ५३ केजी स्पर्धामा देवीकुमारी चौधरीले काश्य र ६२ केजी तौलसमूहमा बिकास थापाले रजत पदक जितेका थिए ।
यो संगै जारी सागमा नेपालले जितेको पदकसङख्या ६ पुगेको छ । यसअघि आज भएको स्पर्धामा नेपालले उसुमा दुई रजत पदक हासिल गरेको थियो ।