२५ माघ, काठमाडौं । पाकिस्तानलाई ५ विकेटले हराउँदै वेष्ट इण्डिज यू-१९ विश्वकपको सेमिफाइनलमा प्रवेश गरेको छ ।
पहिले ब्याटिङ गरेको पाकिस्तानले उमर मसूदको शतकको मदतमा ५० ओभरमा ६ विकेट गुमाएर २२७ रन बनायो । निकै खराव सुरुवात गरेको पाकिस्तानले ५७ रन जोड्दा ५ विकेट गुमाएको थियो ।
तर, मसूद र सलमान फैजले पारी उकासे । उनीले छैटौं विकेटका लागि १६४ रनको साझेदारी गरे । मसूद ११३ रनमा आउट भए भने फैस ५८ रनमा अविजित रहे ।
जवाफमा वेष्टइण्डिजले ४० ओभरमा ५ विकेट गुमाएर लक्ष्य भेट्टायो । उसका लागि टेभिन इम्लेकले ५४ र शिम्रोन हेटमायरले ५२ रन जोडे ।
