आज सोमबार दिनभर अनलाइनखबरमा सयौं समाचार अपटेड भए । त्यस मध्ये पाठकले सबैभन्दा धेरै रुचाएका टप १० समाचार तपाईले छुटाउनु भयो कि ?
१. राजेन्द्र महतोविरुद्ध मोर्चाबन्दी, सचेत गराउने तीन अध्यक्षको निर्णय
मधेसी मोर्चाका तीन दलले राजेन्द्र महतोविरुद्ध मोर्चाबन्दी गरेका छन् । मोर्चामा आबद्ध तीन दलले आन्दोलनमा क्षति पुर्याएको भन्दै सदभावना अध्यक्ष राजेन्द्र महतोलाई अब उप्रान्त यस्तो नगर्न सचेत समेत गराएका छन् ।
२. कांग्रेसमा पुस्तान्तरः ४० वर्षमुनिका नेता भेट्न मुस्किल !
एक जमानामा कांग्रेसका नेताहरुले भन्ने गर्थे – ‘कुनै पनि व्यक्ति २५ वर्षको उमेरसम्म कम्युनिष्ट बन्छ, तर २५ कटेपछि ऊ कांग्रेसमा आउँछ ’ तर, यतिबेला १३ औं महाधिवेशनमा होमिएको नेपाली कांग्रेसको केन्द्रीय नेतृत्वमा २५ मात्रै होइन, ४० वर्षमुनिका नेताहरु पाउनै मुस्किल हुन थालेको छ ।
३ नायिका नेहा हत्या प्रकरणः घुम्न जाने प्रस्ताव नमानेपछि हेलमेटले हानेर हत्या
लेकसाइडमा गएर रमाइलो गर्ने प्रस्ताव अस्वीकार गरेपछि मगर फिल्मकी नायिका नेहा (योरुना) पुनको हत्या भएको खुलेको छ । हत्या अभियोगमा सतीश भनिने कृतन खड्गीलाई प्रहरीले पक्राउ गरेको छ ।
४. दिल्लीलाई अर्थमन्त्रीको सन्देशः ओलीको भ्रमणपूर्व राजनीतिक संयन्त्र बन्छ
प्रधानमन्त्री केपी शर्मा ओलीको भारत भ्रमणका लागि वातावरण बनाउन अर्थमन्त्री विष्णु पौडेल अहिले दिल्ली दौडाहामा छन् । दिल्लीले प्रधानमन्त्री ओलीलाई रातो कार्पेट बिछ्याएर स्वागत गर्ने लगभग पक्का भएको छ ।
५. आर्यनको एक लाखको आइफोन फर्काउने युवकसित आफ्नो मोबाइल छैन
फिल्म क्लाइमेक्समा पुग्दै गर्दा १० बजेर ५ मिनेटमा ‘सेकिङ मल’ मा परिणत भयो राइजिङ मल । ‘आयो…आयो’ भन्दै दर्शकहरु उफ्रिन थाले । एकैछिनमा भूईंचालो थामिएपछि आर्यन आईफोन र श्रीमतीलाई च्यापेर गेटबाट बाहिर दगुरे ।
६. रक्सौल डिपोले दियो ३ लाख ६८ हजार लिटर तेल
भारतीय आयल कर्पोरेशन (आईओसी) ले आजदेखि रक्सौल डिपोबाट तेल दिन थालेको छ । आईओसीले आज मात्र ३ लाख ६८ हजार लिटर तेलको लोडिङ दिएको नेपाल आयल निगमले जानकारी दिएको छ ।
७. मजदुरी भिसामा युएई आएका नेपाली तीन रेस्टुरेन्टका मालिक
एक स्टिल कम्पनीमा मजदुरका रूपमा काम गर्न उनी युएई आएका थिए । मासिक तलब आठ सय दिराम भनिएको थियो । तर, उनले पाँच सय मात्रै पाए ।
८. तारे होटलमा घोषित ५५ अर्ब लगानी अनिश्चित
भूकम्पअघि धेरैजसो व्यवसायिक घरानाहरु होटलमा प्रवेश गर्ने योजना बुनिरहेका थिए । कतिपयले लगानीको घोषणा गरिसकेका थिए भने कतिपय घोषणा गर्ने तयारीमा थिए । भूकम्पपछि भने होटलमा नयाँ लगानी घोषणा भएको सुन्नमा आएको छैन ।
९. बढुवा भएका २१ सहसचिवको पदस्थापन, ४ सहसचिवको सरुवा (सूचीसहित)
माघ २० गते मन्त्रिपरिषद बैठकले जेष्ठताका आधारमा प्रशासन समूहका २१ र लेखापरीक्षण समूहबाट एक गरी २२ उपसचिवलाई सहसचिवमा बढुवा गरेको थियो । थप २० जना उपसचिवलाई कार्यक्षमता मूल्यांकनका आधारमा सहसचिवमा बढुवा गर्ने अन्तिम तयारी भैरहेको छ ।
१०. चीनको प्राथमिकता नेपाल हो कि भारत ?
भूकम्पको घाउमा खाटो बस्न नपाउँदै हामीमाथि नाकाबन्दीजस्तो अत्यन्तै क्रुर अत्याचार गरियो । भारतले हामीलाई दुःख दिइरहँदा चीनले हामीलाई सहयोग गर्यो त ? अहिले हाम्रो मनमा यो प्रश्न उब्जिएको छ ।
र,यो पनि
मलेसियामा राजेश हमालको नेताजस्तो भाषण
महानायक राजेश हमाल यतिबेला मलेसियामा छन् । उनले आइतबार एक सांगीतिक कार्यक्रममा नेताले जस्तै भाषण दिए । उनले परदेशमा बसेर श्रम गर्नेहरुलाई राज्यले सम्वोधन गर्नु पर्ने माग गरेका थिए ।