२६ माघ काठमाडौं । प्रधानमन्त्री केपी शर्मा ओलीले दिवंगत पूर्वप्रधानमन्त्री सुशील कोइरालाप्रति श्रद्धान्जली व्यक्त गरेका छन् ।
ओली कोइराला निवास महाराजगञ्ज पुगेका थिए । कांग्रेस सभापति एवं पूर्वप्रधानमन्त्री कोइरालाको सोमबार राति १२ः ५० मा निधन भएको थियो ।
कोइरालाप्रति श्रद्धान्जली व्यक्त गर्दै प्रधानमन्त्री ओलीले संविधान निर्माण र कार्यान्वयनमा कोइरालाले पुर्याएको भूमिका महत्वपूर्ण रहेको बताए ।
उनका अनुसार कोइरालालाई दिने सम्मानबारे निर्णय गर्न १० बजे मन्त्रिपरिषद् बैठक बोलाइएको छ ।
