२८ माघ काठमाडौं । यु-१९ विश्वकप क्रिकेट अन्तर्गतको सातौँ स्थानका लागि आज नेपालले एसोसिएट टोली नामिबियासँग आज प्रतिस्पर्धा गर्दैछ ।
बंगलादेशको फतुल्लाहस्थित खान साहेब ओस्मन अली रंगशालामा नेपाल पौने ९ बजे नेपालले नामिबियासँग खेल्ने छ । आजको खेलमा जित निकाल्ने टोलीले सन् २०१८ मा न्यूजिल्याण्डमा आयोजना हुने आगामी संस्करणको लागि छनोट हुनेछ ।
अन्तर्राष्ट्रिय क्रिकेट काउन्सिलले विश्वकपको शीर्ष स्थानमा रहने एसोसिएट टोलीलाई सन् २०१८ मा न्युजिल्याण्डमा आयोजना हुने विश्वकपमा सीधै छनोट गर्ने निर्णय अभिल्लो साता मात्र गरेको थियो ।
जारी यू-१९ विश्वकपमा एसोसिएट राष्ट्रका रुपमा दुईटोली मात्र क्वाटरफाइनलमा प्रवेश गरेका थिए ।
