गजल
हरियो हुननपाई पातले झरेर जानै पर्ने
अझै कति नेपालीले यहाँ मरेर जानै पर्ने
सिँहासन होस् या कुर्सी होस् चढे पछि
जुकोले झैँ चुस्दै टन्न भुँडी भरेर जानै पर्ने
अशान्ति अन्यौलले रोजी रोटी खोसिएपछि
स्वाभिमानीले सात समुद्र तरेर जानै पर्ने
आफ्नोलाई आफ्नो ठानी नजिकै जाऊँ भन्दा
धोका पाई चित्त दुःखाई पर सरेर जानै पर्ने
दलहरु अब मिले, देशलाई केही गर्लान् भन्दा
गाँठी कुरो हुन नसकी छक्क परेर जानै पर्ने