२९ माघ, काठमाडौं । प्रहरीले तेल तथा ग्यासको कालोबजारीमा संलग्न एक जनालाई पक्राउ गरेको छ ।
ग्यास र डिजेलको कालोबजारी गर्ने सुनसरी भोक्राहका बालेश्वर मेहता पक्राउ परेका छन् ।
अपराध अनुसन्धान महाशाखाको टोलीले उनले लुकाएर राखेको १५ वटा ग्यास सिलिन्डर र ४ सय ६० लिटर डिजेल समेत बरामद गरेको छ।
मेहताले एक सिलिन्डर ग्यासलाई आठ हजार रुपैयाँसम्म लिने गरेका प्रहरीले जनाएको छ । उनी तिलगंगाबाट पक्राउ परेका हुन् ।
