सन्देश श्रेष्ठ
२९ माघ, गुवाहाटी । भारतमा जारी बाह्रौं दक्षिण एसियाली खेलकुद -साग) को कबड्डी खेलमा नेपालको महिला टिमले पहिलो जित निकालेको छ ।
शुक्रबार भएको दोश्रो खेलमा नेपालले पाकिस्तानलाई पराजित गरेको हो । गुवाहाटीस्थित नेहरु रंगशालामा भएको खेलमा नेपालले पाकिस्तानलाई ४१/११ ले पराजित गर्यो ।
यसअघि नेपाली टिमले भारत र श्रीलंकासँग पराजय बेहोरेको थियो ।
राउण्ड रोविनको आधारमा खेलाइएको कबड्डीमा भोलि नेपालले बंगलादेशको सामना गर्नेछ । सबै देशले सबै देशसँग प्रतिष्पर्धा गरिसकेपछि अंकको आधारमा सेमीफाइनल पुग्ने टिमको टुंगो लाग्नेछ ।
