वैशाख १७ गतेदेखि रिलिज हुने चलचित्र ‘जंगे’को पहिलो गीत सार्वजनिक गरिएको छ । ‘सलल’ बोलको गीतमा चलचित्रका मुख्य कलाकार सुरज सिंह ठकुरी र शिखा शाहीलाई फिचरिङ गरिएको छ ।
अहिले नेपाली चलचित्रमा ट्रेलर भन्दा पहिला गीत सार्वजनिक गर्ने प्रचलन बढ्दै गएको छ । यही ट्रेन्डलाई समात्दै ‘जंगे’ निर्माण यूनिटले पनि यो गीत सार्वजनिक गरेको हो ।
अल्मोदा उप्रेतीको संगीत तथा स्वर रहेको यो गीतमा मनास राजको शब्द छ । राजेन्द्र राजबाहकको नृत्य निर्देशन रहेको यो चलचित्रमा सुशन प्रजापतीको छायांकन, उज्ज्वल ढकालको सम्पादन छ । चलचित्रलाई उत्कल थापाले निर्देशन गरेका हुन् ।
चलचित्रको यो गीतको म्यूजिक र शब्द दर्शकको मुखमा झुण्डिन सक्छ ।