२ फागुन, गुल्मी । उपप्रधानमन्त्री एवं गरिवी निवारण तथा सहकारी मन्त्री चित्रबहादुर केसीले नेपाली जनताको चाहनामा देशमा नयाँ संविधान जारी भएसँगै संविधानलाई पटक पटक आक्रमण भएको बताएका छन् ।
गुल्मीको बामेमा आयोजित अन्तरक्रियामा बोल्दै मन्त्री केसीले अरुले भने झै गरी संविधान निर्माण नगर्दा देशले लामो समय नाकाबन्दीको मार खेप्नु परेको बताए ।
मन्त्री केसीले सरकारका कारण यस्तो अवस्था आएको नभई छिमेकीले नै देशलाई असहज बनाएको सबै नेपालीसामु छर्लंग भएको बताए ।
अन्तरक्रियामा रक्तिम सांस्कृतिक अभियानका केन्द्रीय अध्यक्ष जीवन शर्मा लगायतको सहभागिता थियो ।