१६ वैशाख, काठमाडौं । महानगरिय प्रहरी अपराध महाशाखाले चलाएको नक्कली इन्जिनियर विरुद्धको कारबाहीमा थप ५ जना परेका छन् ।
बुधबार ३ जना नक्कली इन्जिनियर र कागज पत्र बनाइदिने २ जना पक्राउ गरेको महाशाखाले थप ५ जना नक्कली इन्जिनियरहरु पक्राउ गरेको हो ।
पक्राउ पर्नेमा सिराहाका मनिषकुमार यादव, सर्लाहीका कृष्ण कुमार झा, सप्तरीका पुष्पराज शर्मा, धनुषाका शेखर पंजियार र काठमाडौं बौद्धका सन्तोष लामा छन् ।
प्रहरीका अनुसार पक्राउ परेकाहरु इन्जिनियरीङ पढेका तर, फेल भएकाहरु हुन् । इन्जिनियरिङ पास भएपछि इन्जिनियरिङ परिषदमा दर्ता गराउनु पर्ने हुन्छ ।
तर, पक्राउ परेकाहरुले नक्कली प्रमाणपत्र देखाएर दर्ता गरेको भेटिएको महाशाखाले जनाएको छ ।
