युएई । युएईका बिभिन्न सेक्युरिटी कम्पनीमा कार्यरत नेपालीहरुको संस्था नेपाली सेक्युरिटी समाज युएईलेसमुद्रमा डुवेर निधन भएका झापाका भभिनाथ भण्डारीको परिवारलाई ५२ हजार नगद सहयोग गरेको छ ।
समाजका केहि सदस्यहरुको पहलमा बिभिन्न कम्पनीमा कार्यरत नेपालीहरुले सहयोग गरेको ५२ हजार २९४ रुपैया स्वर्गीय भण्डारीकी छोरी नमुना भण्डारीको खातामा जम्मा गरिएको नेपाली सेक्युरिटी समाजले बिज्ञप्तिमार्फत जानकारी दिएको छ ।
एकबर्षअघि सेक्युरिटी गार्डकोरुपमा युएई आएका उनकोकेहि समयअघि समुद्रमा डुवेर निधन भएको थियो ।
भण्डारीको कमाईबाट आश्रति परिवारमा उनको निधन भएपछि समस्या परेको बुझेर सहयोग गरिएको समाजले प्रष्ट पारेको छ । समाजले युएईमा रहेका अन्य व्यक्ति तथा संस्थाले पनि सहयोग गर्न इच्छुक रहेमा नमुना भण्डारी को नेपाल बैंक दमक साखाको खाता नम्बर १९६०११०६२०३७७५०००००१ मा पैसा जम्मा गर्न सक्ने जनाएको छ ।
सेक्युरिटी समाज युएईले यसअघि पनि कामको शिलसिलामा मृत्यु भएका नेपाली सेक्युरिटी, मृगौला पीडित तथा भूकम्पपीडित नेपालीहरुलाई सहयोग गरिरहेको छ ।
