१८ वैशाख, काठमाडौं । निर्वाचन आयोगमा राजनीतिक दल दर्ता गर्दा अब १० हजार हस्ताक्षरको झन्झट हट्ने भएको छ ।
आयोगले विधेयकमा अब ५ सय मतदाताको नागरिकतासहित हस्ताक्षर पेस गर्नु पर्ने प्रावधान प्रस्ताव गरेको छ ।
आयोगमा दर्ता भएका दलले वाषिर्क लेखा परीक्षण प्रतिवेदन नबुझाएकै कारण धमाधम दल दर्ता खारेज भइरहेको अवस्थामा दर्ता अझै सजिलो पारेको अाजको नागरिक दैनिकमा समाचार छ ।
पाँच सयको हस्ताक्षरमा दल दर्ता हुनु उपयुक्त नभएको सांसदहरुले टिप्पणी गरेका हुन् । सांसद भीमप्रसाद आचार्यले पाँच सहय हस्ताक्षरण्को आधार के? भन्दै संख्या बढाउनु पर्नेमा वजोड दिए । सांसद रामेश्वर फुयाँलले पाँच सयको सट्टा एक हजार हस्ताक्षर हुनु पर्न सुझाए ।
प्रस्तावित विधेयकमा कुनै दलको सदस्यता पाउन नैतिक पतन देखिने फौजदारी कसुरमा सजाय पाएको भए सजाय भुक्तान गरेको मितिले दुई वर्ष पूरा भएको हुनुपर्ने व्यवस्था गरिएको छ ।
