१९ वैशाख, काठमाडौं । शनिवार मध्यान्नपछि आएको पानी सहितको हावाहुरी र चट्याङ पछि ताप्लेजुङमा टेलिफोन र इन्टरनेट सेवा अबरुद्ध भएको छ ।
नेपाल टेलिकमको ल्याड लाईन, प्रिपेड तथा पोस्पेट र स्काई मोवाईलको सेवा शनिवार राति देखि अबरुद्ध भएको हो ।
मोवाईल, ल्याण्डलाईन र ईन्टरनेट सेवा अबरुद्ध हुँदा हजारौँ सेवाग्राहिको सञ्चार सम्पर्क छुटेको छ । मोवाईल र ल्याडलाईन अबरुद्ध हुँदा नेपाल टेलिकमसँग सम्पर्क गर्न नसकिएकाले अबरुद्धको कारण बारे जानकारी नभएको ताप्लेजुङका प्रमुख जिल्ला अधिकारी चक्रपाणी पाण्डेले बताए ।
नेपाल टेलिकम बाहेक एनसेल मोवाईल र ईन्टरनेट सेवा प्रदायक सुबिसु भने सञ्चालनमानै रहेका छन् । शनिवार मध्यान्न देखि ताप्लेजुङमा हावाहुरी सहित चट्याङ र ठुलो पानी परेको थियो ।