२१ वैशाख, नेपालगञ्ज । नेकपा एमाले बाँकेका जिल्लास्तरीय नेता भेदलाल वलीको मोटरसाइकल दुर्घटनामा मृत्यु भएको छ ।
५५ वर्षीय वलीको सोमबार राति कचनापुर गाविसको अगैयामा मोटरसाइकल दुर्घटना हुँदा मृत्यु भएको हो ।
नेपालगञ्जबाट कुसुमस्थित आफ्नो घर फर्कंदै गर्दा गएराति ११ बजे उनी दुर्घटनामा परेका थिए ।
उनको उपचारका लागि अस्पताल लैजाँदै गर्दा बाटोमै मृत्यु भएको नेकपा एमाले बाँकेले जनाएको छ ।