२३ वैशाख, काठमाडाैं । नेपालको राजनीतिक विषयमा आलोचनात्मक टिप्पणी गर्दै विवादमा आएका क्यानाडेली नागरिक रोबर्ट पेनरले नेपाल छोड्ने तयारी गरेका छन् ।
अध्यागमन विभागले उनलाई आफ्नो भिसा दुरुपयोग गरेर नेपालको आन्तरिक राजनीतिमा उत्तेजनात्मक टिप्पणी गर्ने गरेको भन्दै उनको भिजा रद्द गरेको थियो । साथै उनलाई नेपाल छाड्न दुई दिनको समय दिइएको थियो ।
The Supreme Court had other urgent cases today & was unable to hear mine. I must leave Nepal tonight.
— Robert Penner (@robpenner) May 5, 2016
अध्यागमनको आदेशपिवरुद्ध उनले बुधबार सर्वोच्चमा रिट हालेका थिए । आफ्नो रिटमाथि बिहिबार सर्वोच्चमा सुनवाई हुन नसकेपछि नेपाल छाड्न लागेको उनले जनाएका छन् ।
न्यायधीस ओमप्रकाश मिश्रको इजलासमा परेको रिटमा समयअभावका कारण भन्दै आज सुनवाई भएन । अध्यागमनले उनलाई नेपाल छाड्न दिएको दुई दिनको म्याद सकिएको छ ।
