२४ वैशाख, कञ्चनपुर । गएराति कञ्चनपुरको बेलौरी नगरपालिका–७ रामनगरमा ट्याक्टरले मोटरसाइकललाई ठक्कर दिँदा दुई जनाको मृत्यु भएको छ ।
मृत्यु हुनेमा स्थानीय ३० वर्षीया अम्बिकादेवी साउद पाल र उहाँकी दुई वर्षीया छोरी एलिसा पाल रहेको इलाका प्रहरी कार्यालय बेलौरीका प्रमुख प्रहरी निरीक्षक भरत चौधरीले जानकारी दिए ।
से १ प २९७६ नम्बरको मोटरसाइकलमा पति कल्याण सिंह पालसहित घर गइरहेका पाल दम्पतीलाई से १ त ७८६४ नम्बरको ट्याक्टरले ठक्कर दिँदा दुर्घटना भएको प्रहरीले जनाएको छ । मोटरसाइकल चालक कल्याण भने सकुशल रहेको प्रहरीले बताएको छ ।
ट्याक्टर चालक सुखराम राना र ट्याक्टर प्रहरी नियन्त्रणमा छन् भने मतृक आमाछोरीको शव परीक्षणका लागि भीमदत्तनगरस्थित महाकाली अञ्चल अस्पतालमा राखिएको छ ।
