२४ वैशाख, काठमाडौं । साउदी अरेबियाबाट ग्लोबल आइएमई बैंकले अलनिमाको इरसल मनि ट्रान्सफर सेवासँग मिलेर रेमिट्यान्स पठाउन सुरु गरेको छ ।
यो सेवा सुरु भएसंगै साउदी अरेबियामा रहेका नेपालीले अलनिमा बैंकको इरसल मनि ट्रान्सफर सेवाका ५० वटा एजेन्टमार्फत नेपालमा आफ्ना आफन्तलाई सजिलैसँग पैसा पठाउन सक्नेछन् ।
यसरी पठाएको पैसा देशभर रहेका ग्लोबल आइएमई बैंकका सम्पूर्ण शाखाहरु र एस रेमिटका एजेन्टहरुमार्फतबाट भुक्तानी लिन सकिने छ ।
ग्लोबल आइएमई बैंकले स्थापनाकाल देखि नै युएई, कतार, बहराईन, भारत, अष्ट्रेलिया, जापान, मलेसिया, दक्षिण कोरीयाल लगायतका मुलुकहरुका बैंक तथा एक्स्चेन्ज हाउसहरुसँगको सहकार्यमा रेमिट्यान्स कारोबार गरिरहेको छ ।
