२४ वैशाख, काठमाडौं । लुम्बिनी बैंक लिमिटेडले ललितपुरको ग्वार्कोमा रहेको शाखा कलंकीको तिनथानामा सारेको छ ।
ग्वार्को शाखा शुक्रबारदेखि चन्द्रागिरी नगरपालिका- २५ तीनथाना स्थानान्तरण गरेको बैंकले जनाएको छ ।
उक्त नयाँ शाखा भवनको उदघाटन शुक्रबार बैंकका सञ्चालक समितिका अध्यक्ष प्रकाश श्रेष्ठ गरे । सो अवसरमा बैंकका सञ्चालक समितिका सदस्यहरु तथा बैंकका प्रमुख कार्यकारी अधिकृतको समेत उपस्थिति थियो ।
यस शाखाबाट सबै ग्राहकवर्गले सबै किसिमका बैकिङ सुविधा प्राप्त गर्न सक्ने बैंकले विज्ञप्ति निकालेर जानकारी दिएको छ ।