१२ जेठ, कपिलवस्तु । कपिलवस्तुको वाणगंगा नगरपालिकावाट अबैध स्काभेटर बरामद गरिएको छ ।
मंगलवार कृष्णनगर भन्सार कार्यालयको टोली र सशस्त्र प्रहरी बल राजश्व तथा भन्सार सुरक्षा गुल्म कृष्णनगर संयुक्त टोलीले स्काभेटर बरामद गरेको हो ।
बिशेष सुराकीको आधारमा कपिलबस्तु बाणगंगा नगरपालिका वडा नं. १ स्थित जितपुर ४ नम्बर चोकको सडक किनारमा रोकी राखेको अवास्थामा स्काभेटर नियन्त्रणमा लिएको हो ।
अन्दाजी मुल्य एक करोड बराबरको हुण्डाई कम्पनीको स्काभेटरको आवश्यक कागजात चेकजाँच गर्दा केही पनि नभेटिएको र शंकास्पद देखिन आएको हुँदा थप आवश्यक अनुसन्धानका लागि नियन्त्रणमा लिएको सशस्त्र प्रहरी निरीक्षक धर्मबहादुर थापाले बताए ।
सशस्त्र प्रहरी निरीक्षक थापाको कमान्डमा ७ जना र कृष्णनगर भन्सार कार्यालयबाट ३ जनाको संयुक्त गाडी मोवाईल टोलीले बिशेष सुराकीको आधारमा स्काभेटर नियन्त्रणमा लिएको हो । स्क्यभेटर कृष्णनगर भन्सार कार्यालयमा राखिएको छ ।