११ जेठ, काठमाडौं । पुरूषकाे पहिरनमा परिचित भारतीय ब्राण्ड इन्डियन टेरेनको पहिलो नेपाली शो-रुम ललितपुरको पुल्चोकमा खुलेको छ । लबिम मलमा सोमबारदेखि सञ्चालनमा आएको शो-रुममा ६ देखि १४ वर्षसम्मका बच्चा र युवापुस्ताका लागि फरक-फरक डिजाइन र पहिरन राखिएको छ ।
सर्ट, टिसर्ट, ज्याकेट, पायन्ट, टाउजरदेखि लिएर गलबन्दी, बक्सर, मोजालगायतका उत्पादनमा टेरेनले ख्याति कमाएको छ । क्याजुअलसँगै स्पोर्ट पहिरन पनि कम्पनीले उत्पादन गर्ने गरेको छ ।
भारतमा पुरुष पहिरनमा प्रख्याति कमाएको ब्रान्डलाई नेपालमा आरपी ग्रुपले भित्राएको हो । यसमा कटन र लेननका सर्ट, एभि्रडे पोलोस, रिंकल फ्री चिनोस, भिन्टेज खाकिजलगायतका कलेक्सन छन् ।
सोरुम उद्घाटनको अवसरमा इन्डियन टेरेनका प्रमुख सञ्चालक अधिकृत अभिताभ सुरीले नेपाली बजारमा इन्डियन टेरेनको उपस्थितिले यसको वृद्धि अझ बढ्ने बताए ।
आरपी ग्रुपका अध्यक्ष रुपेश पाण्डेले नेपालका युवा पुस्तामाझ इन्डियन टेरेनका उत्पादन लोकप्रिय हुने बताए ।