१५ जेठ, काठमाडौं । आफू मरेर पनि यात्रुहरुको ज्यान जोगाउने विमान चालकलाई वीरता पदक प्रदान गरिने भएको छ ।
गणतन्त्र दिवसको अबसरमा सरकाले मानपदवी, अलंकार र पदकद्वारा विभूषित गर्ने घोषणा गरेको हो । जसमा क्याप्टेन दिनेश न्यौपाने र सहक्याप्टेन सन्तोष रानालाई मरणोपरान्त वीरता सम्मान प्रदान गरिएको छ ।
कालिकोटमा भएको विमान दुर्घटनामा न्यौपाने र रानाले ज्यान गुमाएका थिए । न्यौपाने र रानाले आफू मरेर पनि विमानमा भएका यात्रुहरुलाई बचाएका थिए ।
नेपालगञ्जबाट जुम्लाका लागि उडेको विमानको विचबाटैमा पंखा रोकिएपछि पाइलटले कालिकोटको चिलखाया २ मा आकस्मिक अवतरण गराएका थिए ।