हुनत, बिहे अगाडि पनि नायिका रीमा विश्वकर्माको करिअर खासै चम्किएको थिएन । उनले अभिनय गरेका चलचित्रको व्यापार सुखद थिएन । चलचित्र भन्दा म्यूजिक भिडियोमा नै उनी बढी देखिइन् ।
प्रेममा परेर बेलायतमा बस्दै आएका एनआरएन प्रेमीसँग बिहे गरेपनि उनले चलचित्र यात्रामा विश्राम लगाएकी छैनन् । बिहे गरेपछि धेरै नायिका करिअरमा विश्राम लगाउँदै विदेश भासिएका छन् ।
‘उफ् यो मन’ रीमाले काम गर्ने नयाँ प्रोजेक्ट हो । यो चलचित्रको छायांकन सकेपछि विदेशमा छायांकन हुने अर्को चलचित्रमा काम गर्न लागेको रीमाले जानकारी दिइन् । यसको मतलब, उनको हातमा प्रोजेक्ट आइनै रहेका छन् । रीमाको करिअर बिहे अगाडि जस्तो थियो, बिहेपछि पनि त्यस्तै देखिएको छ ।
अधिकांश चलचित्रका प्रिमियरमा पुग्ने कलाकार मध्ये रीमा पनि एक हुन् । फेसन र पहिरनमा सौखिन रीमाका आकर्षक तस्बिरहरु मिडियामा यसकारण पनि चर्चित बन्ने गरेका छन् । 
तस्विरः श्रीधर पाैडेल
