‘मोडेल अफ इरा’को उपाधी पेम्बा तामाङ र गीता बिष्टले जितेका छन् । क्रिजोना मिडिया ग्रुपले आयोजना गरेको कार्यक्रममा पेम्बाले केटातर्फ उपाधी जित्दै गर्दा निकोलस अर्याल फस्ट रनरअप र विवेक नाथ सेकेन्ड रनरअप भए ।
यस्तै, यूवतीतर्फ भने गीता बिष्टले ताज लगाउँदा निशा खड्का फस्ट रनरअप र ज्यास्मिन प्रजापति सेकेन्ड रनरअप भइन् । क्रिजोना ग्रुपले हरेक बर्ष यो प्रतियोगीता आयोजना गर्दै आएको छ ।
लोभिन अन्सारी र असिम श्रेष्ठ मुख्य आयोजक रहेको यो प्रतियोगीतालाई ज्यास्मिन डंगोलले संयोजन गरेकी थिइन् । इभेन्ट संयोजन पिंकी जोशीले गरेकी थिइन् ।