१३ असार, काठमाडौं । बाैद्ध धर्मसम्बन्धि कितावको कभरमा लुकाएर भारत हुँदै युरोप निकासी गर्न लागिएको ३५ किलो चरेससहित २ जनालाई प्रहरीले नियन्त्रणमा लिएको छ ।
करिब १ महिनाको अनुसन्धानपछि नेपाल प्रहरीको लागूऔषध नियन्त्रण ब्यूरोले घादिङका साइमन तामाङ र धनबहादुर तामाङलाई पक्राउ गरेको हो ।
बिशेष सुराकीको आधारमा उनीहरु काठमाडौंको कपनबाट पक्राउ परेका हुन् ।
उनीहरुले बौद्ध धर्मसँग सम्बन्धित कितावको कभरमा टाँसेर ३५ किलो अबैध लागूऔषध चरेस निकासी गर्ने तयारीमा रहेको प्रहरीको दावी छ ।
