चलचित्र ‘सुल्तान’का लागि रेसलिङमा दृश्य दिएर निस्कदा आफूलाई बलात्कृत महिलाको जस्तो महशुश हुने बयान दिएर बलिउड नायक सलमान खान विवादमा फसेका छन् ।
उनी अझै यो विवादबाट बाहिर आउन सकेका छैनन् । भारतको ‘राष्ट्रिय महिला आयोग’मा सलमानले आज जवाफ दिनुपर्ने थियो । आयोगकी अध्यक्ष ललिता कुमारमंगलमका आनुसार सलमानले पठाएको जवाफमा माफी मागिएको छैन । सलमान खानले महिला आयोगमा आज जवाफ पठाएका छन्, जसलाई आयोगको कानुनी टिमले हेर्नेछ ।
सलमानले दिएको बयानपछि उनलाई माफी माग्न भनिएको थियो । तर, बलिउडमा सर्वाधिक विवादको घेरामा पर्ने नायक खानले माफी नमागेपछि यो बयान अझै विवादमा पर्ने संभावना छ । सलमान अहिले आफ्नो नयाँ चलचित्र ‘सुल्तान’को प्रमोशनमा व्यस्त छन् ।
