१७ असार, काठमाडौं । पूर्वविशिष्ट पदाधिकारीहरुको सेवा सुविधाबारे छलफल गर्न शुक्रबार बिहान बोलाइएको सुशासन तथा अनुगमन समितिको बैठक स्थगित भएको छ । समितिका सदस्यहरुको उपस्थिति न्यून भएका कारण आवश्यक कोरम नपुगेपछि बैठक स्थगित भएको हो ।

सुशासन तथा अनुगमन समितिअन्तर्गतको उपसमितिले पदाधिकारीहरुले ठूलो आकारमा सुविधा लिएको र त्यसले राज्यकोषको दुरुपयोग भएको प्रतिवेदन यस अघि बुझाएको थियो ।

उपसमितिले पूर्वविष्टिलाई दिने सुविधालाई कानुन बनाएर लागूपर्ने सहितका सुझाव रहको प्रतिवेदन समितिलाई  बुझाएको थियो । यिनै विषयमा छलफलका लागि बैठक शुक्रबार बिहान ८ बजे बोलाइएको थियो । तर, सदस्यहरु नै उपस्थित नभएका कारण बैठक स्थगित भएको हो ।