पहिलो पटक अवार्ड पाउँदा नायिका साम्राज्ञी राज्यलक्ष्मी शाहको आँखाबाट आँशु झर्यो । उनले शनिबार ‘फान अवार्ड’मा उत्कृष्ट नव-नायिकाको विधामा अवार्ड पाएकी हुन् ।
आमासँगै स्टेजमा पुगेकी उनले सबैलाई धन्यवाद दिइन् । आफूलाई सधै साथ दिएकोमा आफ्नी आमालाई विशेष धन्यवाद दिइन् । 
रातो रंगको वन पिसमा पुगेकी साम्राज्ञी आकर्षक देखिएकी थिइन् । पहिलो चलचित्र खेलेपछि डिमाण्डेड बनेकी यी नायिकाले अब ‘ए मेरो हजुर २’मा काम गर्दैछिन् । 
