बाजी ठोकम् आउ झिल्के बाजी ठोकम आउ
मैले जिते घर ज्वाई बस, तिम्ले जिते लैजाउ…
अहिले पनि हरेक तीजमा चर्चा हुन्छ यो गीतको । पशुपति शर्मा र देविका केसीको स्वर रहेको उक्त गीत दर्शकले धेरै मन पराएको तीज गीत मध्येमा पर्छ ।
त्यसो त देविका स्वयं भन्छिन् ‘पशुपति शर्मासंग बाजी ठोकेपछि तीजमा मेरो गीतको चर्चा सुरु भयो’ लोक गायनमा राम्रै जस पाएकी देविका अहिले तीज केन्दि्रत गीतमा पनि चर्चामा रहेकी गायिका मानिन्छिन् ।
पछिल्लो केहि वर्ष यता हरेक वर्ष तीज केन्दि्रत गीत लिएर आएकी देविकाले यसपाली ‘मेरो मुटुमा केन्द्रबिन्दु पारी’ बोलको गीत गाएकी छिन् ।
गायक सन्दीप न्यौपाने र देविकाको स्वर रहेको उक्त गीतले पर्वको बहानामा फजुल गर्नेहरुलाई सचेत गराएको छ । दुई वर्षदेखि सन्दिपसंग गाउदै आएकी देबिका सन्दिपको स्वर र बानी ब्यहोराको प्रसंसा गर्छिन् । ‘यो मेरो माई डियर भाई स्वर पनि मिठो छ’ देविकाले भनिन् ।
त्यसो त सन्दिपलाइ पनि देविकासंग गाउदा रमाइलो लागेको छ । सन्दिप राम्रा मोडल पनि हुन् एकसय बढी गीतमा मोडलिङ गरेका सन्दीपले आफ्नो गीतमा रुपा खनालसंग मोडलिङ गरेका छन् ।
गीतमा मनोरञ्जनको साथी सन्देश दिउको दाबी गरे सन्दिपले । हरेक चाड मान्नुर्पछ तर, पर्व मान्ने बहानामा अनावश्यक खर्च गर्न हुन्न भन्ने सन्देश दिएका छौं’ गायक न्यौपानेले भने ।
