हिक्मत बिष्टको निर्देशनमा तयार भएकाे चलचित्र ‘द विनर’ गीत र टिजर सार्वजनिक भएपछि चर्चामा छ । भदौ १७ गते प्रदर्शनमा आउने भनिएको यो चलचित्रको हाल धमाधम डबिङ कार्य भैरहेको जानकारी निर्माणपक्षले दिएको छ ।
चलचित्रका मुख्य कलाकार महेशमान श्रेष्ठले अष्ट्रेलिया, दुबई र नेपालमा छायांकन गर्दाका तस्बिर सार्वजनिक गरेका छन् । सार्वजनिक तस्बिरले चलचित्रको छायांकन कसरी भएको थियो भन्ने देखाउँछ ।
चलचित्रका कलाकार श्रेष्ठले ‘द विनर’लाई बलिउड स्तरको र ३ देशमा छायांकन गरिएको पहिलो नेपाली चलचित्र भनेका छन् । यही चलचित्र बनाउन बलिउडलाई ८० करोड लाग्ने दाबी समेत उनको छ ।
चलचित्रमा मलिना जोशी, मन्चिन शाक्य, राजकुमार पन्त, रेशु तामाङ, अमित गिरी मुख्य भूमिकामा छन् । चलचित्रलाई डायमण्ड स्टार फिल्मस्को ब्यानरमा सुवोध ठकुरी, विकास खरेल, रितेश राणाले निर्माण गरेका हुन् ।