१० साउन, काठमाडौं । निजी क्षेत्रको आन्तरिक वायुसेवा कम्पनी सिम्रिक एयरलाइन्सले आइतबारदेखि सिमरा उडान सुरु गरेको छ । कम्पनीले काठमाडौंबाट सिमरामा दैनिक दुईवटा उडान सुरु गरेको हो ।
सिम्रिक एयरलाइन्सका बजार प्रमुख प्रज्वल थापाका अनुसार वर्षातको समय सुरु भएको र पटक–टिक सडक अवरुद्ध भएका कारण पनि सिम्रिकले सिमरा उडान बढाएको हो ।
हवाई यात्रुको सुविधालाई दृष्टिगत गरेर सिम्रिकले काठमाडौंबाट भरतपुर र तुम्लिङटारमा पनि उडान विस्तारको तयारी गरिरहेको थापाले जानकारी दिए ।
सिम्रिकले अहिले चारवटा जहाजमार्फत दैनिक रूपमा माउन्टेन फ्लाइट, काठमाडौंबाट पोखरा, भैरहवा, लुक्ला उडान भरिरहेको छ । त्यस्तै, पोखराबाट जोमसोम, नेपालगञ्जबाट सिमिकोट, बाजुरा र जुम्लामा पनि नियमित सेवा दिइरहेको छ ।
