११ साउन, काठमाडौं । उत्तरी फ्रान्सको रुईनस्थित एक चर्चका पादरीको हतियारधारी समूहले हत्या गरेको छ ।
दुई व्यक्ति चर्चमा प्रवेश गरेका थिए । उनीहरुले पादरी र अन्य चार जनालाई बन्धक बनाएका थिए । अहिले दुबै हतियारधारी प्रहरी कारबाहीमा मारिएका छन् ।
घटनास्थललाई अहिले पनि प्रहरीले घेरा हालेर राखेको छ र मानिसहरुलाई टाढा रहन भनेको छ ।
फ्रान्सका अधिकारीहरुका अनुसार बन्धक बनाइएका मध्ये एकको अवस्था गम्भीर छ ।
आक्रमणको कारण खुल्न सकेको छैन । तर, प्रहरीले चरमपन्थी आक्रमण हुन सक्ने आशंकासहित अनुसन्धान गरिरहेको छ । फ्रान्सका प्रधानमन्त्रीले यसलाई बर्बर आक्रमण भनेका छन् ।
