चलचित्र ‘हँसिया’मा निर्देशक मिलन चाम्सले नायक राजेश हमाललाई लिएर काम गरेका थिए । यसपछि हमाल र चाम्सको बोन्डिङ गजबले देखिएको छ । हुनत, मिलनले निर्देशन गरेको दोश्रो चलचित्र ‘वीर विक्रम’मा राजेश हमाल छैनन् । तर, उनले यो चलचित्रको प्रचारमा भने साथ दिएका छन् ।
अमेरिका जानु अगाडि नायक हमालले यो चलचित्र हेर्न आफ्ना फ्यान र दर्शकलाई आग्रह गरेका छन् । हमालले आफूलाई मनपर्ने निर्देशक मिलन चाम्सले बनाएको चलचित्र ‘वीर विक्रम’ हेर्न आग्रह गर्दै दर्शकलाई मनोरञ्जन लिन भनेका छन् ।
चलचित्रका कलाकारले प्रचारमा साथ नदिएको भन्दै गुनासो गरिरहेका निर्देशक चाम्सले हमालको साथले उत्साहित भएको बताए । दयाहाङ राई, अर्पण थापा, अनुप विक्रम शाही र दीया पुन चलचित्रका मुख्य कलाकार हुन् । विदेशमा गरिएको शोबाट उत्साहजनक प्रतिक्रिया पाएको यो चलचित्र भदौ ३ गतेबाट नेपालभर रिलिज हुँदैछ ।
