१४ साउन, काठमाडौं । प्यूठानका बाढी पहिरो पीडितहरुका लागि काठमाडौंमा राहत संकलन सुरु भएको छ । प्यूठान-काठमाडौं सम्पर्क मञ्चले विहीबार काठमाडौंमा भेला गरेर राहत संकलन थालेको हो ।
प्यूठानमा बाढी र पहिरोका कारण हालसम्म ३८ जनाको मृत्यु भएको छ भने दुई जना वेपत्ता भएका छन् ।
दुई दिनको अवधिमा १ लाख ११ हजार ६६६ रुपैयाँ संकलन भएको मञ्चका संयोजक शिवहरि आचार्यले जानकारी दिए । राष्ट्रिय वाणिज्य बैंकको थापाथली शाखामा खाता खोलेर सहयोग रकम जम्मा गरिएको उनले बताए ।
सहयोग गर्न इच्छुक व्यक्तिले राष्ट्रिय वाणिज्य बैंकको थापाथली शाखाको बचत खाता नम्बर १४३००२४३७२१० मा रकम जम्मा गर्नसक्नेछन्
।
मञ्चमा आवद्ध राजेन्द्र भट्टराईले स्वदेश तथा विदेशमा बस्ने बिभिन्न व्यक्तिहरु प्यूठानका बाढी पीडितहरुलाई सहयोग गर्न इच्छुक देखिएकाले आफूहरु उत्साहित भएको बताए । उनले राहत पीडितसम्म पुर्याउने र सबै पारदर्शी हुने जानकारी दिए ।
मञ्चले हालसम्म संकलन भएको राहतको विवरण पनि सार्बजनिक गरेको छ ।
