५ भदौ, काठमाडौं । गोन्जालो हिगुइनको गोलको मद्दतमा युभेन्टसले इटालियन सिरिएमा सुखद सुरुवात गरेको छ ।
शनिबार भएको आफ्नो पहिलो खेलमा युभेन्टसले फिओरिन्टिनालाई २-१ गोल अन्तरले पराजित थरेको छ ।
साविकको विजेता युभेन्टसलाई जित दिलाउने क्रममा हिगुइनले ७५ औं मिनेटमा गोल गरे । उनी यसै सिजन नापोलीबाट युभेन्टस गएका थिए ।
यसअघि ३७ औं मिनेटमा सामी खेदेराले गोल गर्दै युभेन्टसलाई अग्रता दिलाएका थिए । तर, ७० औं मिनेटमा फिओरिन्टिनाका कलिनिकले बराबरी गोल फर्काए ।