राज्य प्रायोजित डोपिङ प्रकरणपछि प्रतिबन्धमा परेका खेलाडीको सजाय मिनाह गर्न रुसले गरेको अपील खारेज भएसँगै रुसी खेलाडीले अर्को महिनादेखि हुने पारा ओलम्पिकमा सहभागिता जनाउन नपाउने भएका छन् ।
अन्तर्राष्ट्रिय पाराओलम्पिक कमिटीलेसबै रुसी खेलाडीबिरुद्ध लगाएको प्रतिबन्ध कोर्ट अफ आर्विटेसन (कास) ले सदर गरेको हो ।
म्याकलरेनको रिपोर्टलाई आधार मानेर रुसी खेलाडीहरुलाई राज्य प्रायोजित डोपिङ प्रकरणबारे पाराओलम्पिक कमिटीले निर्णय लिएको हो । पारा ओलम्पिक प्रतियोगिता आगामी सेप्टेम्बर ७ देखि सुरु हुनेछ ।
कासले भनेको छ, ‘पाराओलम्पिक कमिटीको रुसीलाई प्रतिबन्ध लगाउने निर्णय रुसी टोलीले गरेको अपराधसँग समानुपातिक छ ।’
अन्तर्राष्ट्रिष्य पाराओलम्पिक कमिटीले पेश गरेको प्रमाणको प्रतिबाद गर्नसक्ने तथ्य रुसी पाराओलम्पिक कमिटीले पेस गर्न सकेन ।
