८ भदौ, काठमाडौं । काठमाडौंको शंखमुलस्थित सोफा कारखानामा बुधबार बिहान आगलागी हुँदा २० लाख रुपैयाँ बराबरको क्षति भएको छ । आगोमा जलेर एक जना घाइते भएका छन् ।
आगोमा जलेर सोफा कारखानाका मालिक मोहमद सवाज आलम घाइते भएका हुन् । आगो निभाउने क्रममा उनको पाखुरा, अनुहार र शरीरका अन्य भाग जलेको छ ।
आगो निभाउन पाँच वटा दमकल र एउटा पानी ट्यांकर प्रयोग गरिएको थियो ।
सोफा कारखानाको छेउँमा रहेको गि्रल उद्योगबाट उठेको झिल्काले आगो सल्किएको प्रहरीले जनाएको छ ।
