१० भदौ, काठमाडौं । प्रधानमन्त्री पुष्पकमल दाहाल ‘प्रचण्ड’ले चितवनको चण्डिभञ्ज्याङ गाविसमा शुक्रबार भएको बस दुर्घटनाप्रति दुःख व्यक्त गरेका छन् । उनले घाइतेको उद्धार, खोज र उपचारका लागि प्रशासन र पार्टी पंक्तिलाई निर्देशन दिएका छन् ।
रौतहटबाट पोखरा जाँदै गरेको बस शुक्रबार चण्डिभञ्ज्याङको कालिखोला भन्ने स्थानबाट त्रिशुली नदीमा खस्दा मृत्यु हुनेको संख्या २१ पुगेको छ ।
त्रिशुली नदीमा भएको बस दुर्घटनाप्रति गहिरो दुख व्यक्त गर्दै घाईतेको उद्दार, खोजबिन, उपचारका लागि प्रशासन र पार्टी पङ्तिलाई निर्देशित गर्दछु।
— PM Puspakamal Dahal (@PM_Nepal) August 26, 2016
प्रधानमन्त्री प्रचण्डले ट्वीट गरेका छन्, ‘त्रिशुली नदीमा भएको बस दुर्घटनाप्रति गहिरो दुःख व्यक्त गर्दै घाइतेको उद्धार, खोजबिन, उपचारका लागि प्रशासन र पार्टी पंक्तिलाई निर्देशित गर्दछु ।’
दुर्घटना न्यूनिकरण गर्न सरकारको ध्यानाकर्षण
यसैबीच नयाँ शक्ति नेपालका प्रवक्ता खिमलाल देवकोटाले पनि विज्ञप्ति निकालेर घाइतेहरुको स्वास्थ्य लाभको कामना गर्दै तत्काल उद्धार र उपचारको व्यवस्था गर्न सरकारसँग माग गरेका छन् । यसैगरी नयाँ शक्ति नेपालका स्थानीय पार्टी पंक्तिलाई उद्धारमा सक्रियतापूर्वबक सघाउन पनि निर्देशन दिइएको छ ।
नयाँ शक्ति नेपालले सडक दुर्घटना न्यूनिकरण गर्न सरकारको ध्यानाकर्षण पनि गराएको छ ।
