१२ भदौ, काठमाडौं । काठमाडौंको तिनकुनेबाट एक व्यक्ति पेस्तोल र त्यसमा लाग्ने चार राउण्ड गोलीसहित पक्राउ परेका छन् ।
काठमाडौं प्रहरीको विशेष टोलीले आइतबार साँझ सर्लाही घर भएका कुमार लामालाई गोली लोड गरिएको पेस्तोलसहित पक्राउ गरेको हो ।
लामाको साथबाट जर्मनीमा बनेको पेस्तोल र चार राउण्ड गोली बरामद भएको एसएसपी विक्रम सिंह थापाले अनलाइनखबरलाई जानकारी दिए ।
लामा हतियार कारोबारी भएको अनुमानमा प्रहरीले अनुसन्धान अघि बढाएको छ ।
